கார்குண்டு வெடிப்பும் இந்து தர்மமும்!

நேற்றுமுன்தினம் திண்டிவனம் அருகே நடந்த பயங்கர கார்குண்டு வெடிப்பு பற்றிய செய்தி நாட்டயே உலுக்கியது! இறந்தவர்கள் அப்பாவிகள் என்பதோடு ஆபத்திற்கு உதவச் சென்ற மனிதாபிமானிகள் என்பதை நினைக்கும்போது வேதனை அதிகரிக்கிறது! நடந்துவிட்ட துயரத்தில் ஒவ்வொருவருவரும் ஒவ்வொரு விதமாகப் பகிர்ந்து கொள்கின்றனர்.

ஆளும் கட்சியாக இருப்பதால் தி.மு.கவின் தொலைக்காட்சி செய்திகளில் ஆட்சிக்கு ஆபத்து வராதபடி மிகக்கவனமாக செய்திகளைச் சொல்லி வருகிறார்கள். சட்டம் ஒழுங்கு கெட்டுவிட்டது என்ற பல்லவிக்கு சுதி சேர்க்க அ.தி.மு.கவும் எதிர்க்கட்சிகளுக்கே உரித்தான கீழ்மட்ட அரசியல் நோக்கில் செய்திகளைச் சொல்லி வருகிறது. தமிழ்பத்திரிக்கைகளும் செய்திகளை வெளியிட்டுள்ளன. சொல்லி வைத்தாற்போல் எல்லா செய்திகளின் கோணமும் ஒரே நோக்கிலேயே உள்ளன.

இந்த வேதனையான நேரத்தில் வியப்பான விடயம் என்னவென்றால் இந்த பயங்கர குண்டுவெடிப்பை ஏதோ சாதாரண அசம்பாவிதம் நிகழ்ந்து விட்டது போன்றே எழுதி வருகின்றன. வாகனத்தின் உரிமையாளர் முதல் ஏற்றிச் சென்றவர்களின் பெயர்கள்வரை எல்லாமே இந்துக்களாக இருக்கின்றன! இதே அந்த வாகனம் ஒரு முஸ்லிமுக்குச் சொந்தமானதாகவோ அல்லது அதனை ஏற்றிச் சென்றவர்களில் முஸ்லிம் பெயரில் எவரேனும் இருந்திருந்தாலோ நாளிதழ்களின் தலைப்புச் செய்தியே வேறு விதமாக இருந்திருக்கும்!

“பயங்கர ஆயுதங்களுடன் சென்னையைத் தகர்க்க அல்காயிதா திட்டம்!”

“இஸ்லாமிய பயங்கரவாதிகளின் தொடரும் அட்டூழியம்”

“கார்குண்டு வெடிப்பில் பாகிஸ்தானின் உளவுத்துறைக்கு தொடர்பு! அத்வானி கண்டனம்!!”

என்பதாகச் சொல்லி ஊடக தர்மவான்கள் தங்களுக்கேயுரிய கற்பனைக் கதைகளால் முஸ்லிம்களையும் இஸ்லாத்தையும் ஒருவழி பண்ணி இருப்பார்கள்! சமீபத்தில் நடந்த குண்டுவெடிப்புகள் ஆறு மணிநேரங்களுக்குள் இப்படித்தான் செய்திகள் வெளியாயின!

இன்னொரு பக்கம், இலங்கை ராணுவத்தோடு போரிட்டுவரும் விடுதலைப் புலிகளுக்குக் கொண்டு செல்லப்பட்ட ஆயுதங்களாக இருந்திருப்பின் சிலருக்கு தமிழின உணர்வு தலைக்கேறி இருக்கும்! சமீபத்தில் புலிகளால் நடத்தப்பட்ட வான்தாக்குதல்களை பெரும்பாலன தமிழினப் பற்றாளர்கள் சிலாகித்து எழுதி இருந்தார்கள்! எதிர்மறை விமர்சனம் வைத்தவர்களும் உள்நோக்கத்துடனேயே விமர்சித்திருந்தார்கள்! இதே செய்தியாளர்கள்தான் விடுதலைப்புலிகளைவிட நியாயமானக் காரணங்களுடன் போரிட்டு வரும் பாலஸ்தீனர்களையும், இராக்கியர்களையும் தீவிரவாதிகள், பயங்கரவாதிகள் என்று எழுதினர்!

“விரக்தியின் விளிம்பில் விமான தாக்குதல் நடத்திய விடுதலை புலிகள் : இந்தியாவுக்கு துளியும் ஆபத்தில்லை என உளவுத்துறை கணிப்பு”
பார்க்க: தினமலர் 03/04/2007

சிலவருடங்களுக்குமுன் மும்பை அரசியல்தாதா பால்தாக்கரே விடுதலைப் புலிகளும் இந்துக்களே என்பதால் அவர்களை இந்திய அரசு ஆதரிக்க வேண்டும் என்று திருவாய் மலர்ந்திருந்தார்.தேவைப்பட்டால் இந்துக்கள் என்றும் தேவையில்லாதபோது மராட்டியம் மராட்டியர்களுக்கு மட்டுமே மற்றவர்கள் வெளியேற வேண்டும் என்று இந்துக்களை தரம்பிரிக்கும் கலையில் பால்தாக்கரேயை யாரும் மிகைக்க முடியாது!

சொல்லவருவது என்னவென்றால் நிகழ்வுகளை நிகழ்வுகளாக மட்டும் பார்க்காமல் முஸ்லிம் பெயர் கொண்டவர் சம்பந்தப்பட்டிருந்தால் அதனை அல்உம்மா, லஷ்கரே தோய்பா, அல் காயிதா என்று இண்டர்நேசனல் லெவலில் தங்கள் பார்வைகளைப் பரவலாக்கி முஸ்லிம்களை தீவிரவாதத்தோடு தொடர்பு படுத்தி எழுதும் நியாயவான்கள், முஸ்லிம் அல்லாதவர்களைப