சுதந்திரத்தின் சொந்தக்காரர்கள்

சிறு சிறு நிலப்பகுதிகளாக ஜமீன்களின் ஆதிக்கத்தில் இருந்த பகுதிகளை ஒருங்கிணைத்து முழு இந்தியாவாக சுமார் எட்டு நூற்றாண்டுகளுக்கும் மேல் ஆண்டு வந்த முஸ்லிம்கள், வந்தேறி ஆங்கிலேயரின் சூழ்ச்சியால் இந்திய சாம்ராஜ்ஜியத்தை தொடர்ந்து ஆளும் உரிமையை இழந்தார்கள்.அதனை மீண்டும் பெற வேண்டியக் கடமை இந்திய முஸ்லிம்களிடமே இருந்ததால் ஆங்கிலேயரிடம் இருந்து இந்தியாவை மீட்கும் சுதந்திரப் போராட்டத்தை தொடங்கினர்.

சிப்பாய் கலகம், மாப்பிள்ளா கலகம் என சுதந்திர போராட்டத்தில் இந்திய முஸ்லிம்களின் தியாகங்கள் மறைக்கப்பட்டு, இன்று முஸ்லிம்களுக்கு இந்தியாவில் வாழும் உரிமையுள்ளதா? என்று இந்துத்துவா சக்திகளால் பட்டிமன்றம் நடத்தும் அளவுக்கு தள்ளப் பட்டுள்ளோம்.

தென்னகப் புலிகளான திப்பு சுல்தான், கான் ஷாகிப் என்கிற மருதநாயகம் போன்ற இந்திய முஸ்லிம்களால் முன்மொழிந்து தொடங்கி வைக்கப்பட்ட சுதந்திரப் போராட்டத்தில் எவ்வித பங்களிப்பும் செய்யாததோடு, சுதந்திரப் போராளிகளை ஆங்கிலேயரிடம் காட்டிக் கொடுத்த ஒரு கூட்டம் இந்தியாவை உரிமை கொண்டாடுகிறது.

காட்டிக் கொடுத்த பதவி சுகம் பெற்ற இவர்களால், ஆங்கிலம் பேசுவதும் ஹராம் என்று மார்க்கக் கட்டளையிட்ட இந்திய முஸ்லிம்களின் தியாகம் மறைக்கப்பட்டுள்ளதோடு, “சுதந்திரப் போரில் முஸ்லிம்களின் பங்களிப்பு” என்று யாராவது ஒரு அரசியல்வாதியை மேடையேற்றி பேசவைத்து வரலாற்றை மறந்த முஸ்லிம்களும் கைதட்டி மகிழ்கிறோம். அதனால்தான் சுதந்திரமடைந்து கிட்டத்தட்ட அறுபது வருடங்களாகியும் கல்வி வேலை வாய்ப்புகளில் இடஒதுக்கீடு வேண்டி கெஞ்சிக் கொண்டிருக்கிறோம்.

கேரளாவிலுள்ள ‘பாலாமொழி’ என்ற ஊருக்கு அருகில் சுதர்ஷன சமஸ்கிருதப் பள்ளியின் நிர்வாகியும் தலைமை ஆசிரியருமான ஸ்ரீமான் கிருஸ்ண வாரியார், இந்தியாவின் தேசிய கீதமான ‘ஜன கண மண” எத்தகைய தேசிய உணர்வையும் ஊட்டவில்லை. காரணம் இது தேசியக் கீதமாகக் கருதி இயற்றப்படவில்லை. பிரிட்டிஸ் சக்கரவர்த்தி எட்வர்டை வரவேற்று பாராட்டி பாடப்பெற்ற கீதம்தான் ‘ஜன கண மண’ எனவே 1985, ஜூலை 26 ஆம் தேதி முதல் இப்பள்ளியில் ‘ஜன கண மண’ பாடுவதை நிறுத்தி, நானே சமஸ்கிருத மொழியில் எழுதிய ‘ஜய ஜய ஜனனி’ என்ற பாடலை பாடச் செய்வோம் என்றார்.

அதேபோல், கேரளாவின் இன்னொரு பகுதியில், ஜெஹோவோ என்ற கிறிஸ்தவப் பிரிவினர், ‘ஜன கண மண’ பாடல் வரிகள் தங்கள் மதக் கொள்கைக்கு முரண்பட்டக் கருத்தைக் கொண்டிருக்கிறது; எனவே அதை நாங்கள் பாட முடியாது என்றார்கள்.

இவ்விரு சர்ச்சைகளால் நாட்டின் முக்கிய அரசியல்வாதிகளும் ஆன்மீகவாதிகளும் தர்க்கித்துக் கொண்டு, இப்பிரச்சினை ஒரு வருடத்திற்கும் மேலாக கேரள மாநில உயர் நீதிமன்றம், உச்ச நீதிமன்றம், அட்டர்னி ஜெனரல் ஆப் இந்தியா என சுற்றி சுற்றி வந்தது. அப்போதைய மத்திய அரசின் மனித வள மேம்பாட்டுத் துறை, ‘ஜன கண மண’ கீதத்துக்குப் பதிலாக ‘ஸாரே ஜஹான்ஸே அச்சா! ஹிந்துஸ்தான் அமாரா’ என்ற பாடலையே தேசிய கீதமாக அறிவிக்கலாம் என்று பரிசீலிப்பதாக 1986 ஆம் ஆண்டு செப்டம்பர் மாதம் நாட்டின் முக்கிய நாளிதழ்களில் செய்தி வெளியானது. அதன் பிறகு ‘ஜய ஜய ஜனனி’ ‘ஜன கண மண’ பிரச்சினை ஓய்ந்தது.

1947 ஆகஸ்ட்-14, நள்ளிரவு 11:59 விநாடிகள். இந்திய நாடாளுமன்றத்தின் அரசியல் நிர்ணயச் சபையின் அனைத்து உறுப்பினர்களும் கூடி இருந்த நேரத்தில் நிசப்தம் நிலவியது. 1947-ஆகஸ்ட்-15, பிறந்ததும் இந்தியா சுதந்திரம் அடைந்ததை அறிவிக்க திருமதி. சுஸேதா கிருபாளினி அவர்களும், டாக்டர். சுசீலா நய்யார் அவர்களும் குரலெடுத்துப் பாடிய, சுதந்திர இந்தியாவின் முதல் தேசிய கீதத்தின் சொந்தக்காரர்கள் முஸ்லிம்கள். ஆம்!. அப்