பந்தாடப்படும் பெண்மை

சானியா மிர்ஜா – ஊடகங்களின் இன்றைய தலைப்புச் செய்தி. இதுவரை கிரிக்கெட் மோகம் கொண்டிருந்த இந்திய விளையாட்டு ரசிகர்களை டென்னிஸ் பக்கம் திரும்ப வைத்த இளம் இந்திய மங்கை. ஆந்திராவைச் சார்ந்த முஸ்லிம் பெண். வயது 19. பெற்றோர் இம்ரான் மிர்ஜா – நசீமா.

இதுவரை சினிமா நடிகைகளின் ஆடைகளும், அணிகலன்களும்தான் இந்திய மங்கைகளின் மாடல். ஆனால் இன்று மூக்குத்தி, கண்ணாடி என அணிகலன்களிலும் சானியாவின் தாக்கம்.

லியண்டர் பயசும், விஜய் அமிர்தராஜும் விளையாடிய போது கண்டு கொள்ளப் படாமல் இருந்த டென்னிஸ், சானியா வந்த பிறகு தேசிய கவனத்தை ஈர்த்தது ஏன்? எல்லாம் இஸ்லாம்.!!!

அமெரிக்க ஓப்பன் டென்னிஸ் 2005 போட்டியில் நான்காவது சுற்று வரை வந்த முதல் ஆசியப் பெண். இதில் கலந்து கொண்டபோதும் இதற்கு முன்பும் போட்டியில் அணிந்திருந்த உடை (Skirt) ஆபாசமாக இருக்கிறது. உடை விசயத்தில் முஸ்லிம் பெண்களுக்கு சானியா தவறான முன்மாதிரியாகிறார் என்று ஒப்புக்கு சொல்லி வைத்தார் ஒரு இஸ்லாமிய மத அறிஞர் (மெளலவி).

தொலைந்தது போங்க. ஒட்டு மொத்த விளையாட்டு ஆர்வலர்களும், பெண்ணுரிமைவாதிகளும்? வரிந்து கட்டிக் கொண்டு களமிறங்கி விட்டார்கள். வலைப்பூவிலும் அங்கங்கே விவாதங்கள்.

“இவருடைய சாதனைக்குக் குறுக்காக இவர் மீது இசுலாமியத்தீவிரவாதிகள் இவர் இது மாதிரி அரைக்கால் பாவாடை அணியக்கூடாது, கவர்ச்சியாக இருக்கிறது என்று விமர்சித்து வருகிறார்கள். ஆபாசம் சானியாவிடமா இல்லை இவர்கள் கண்கள் மீதா என்ற கேள்வி எழுகிறது. இது மாதிரி குற்றம் சாட்டுபவர்கள் மனிதாபிமானமற்ற, பெண்கள் மீது இரக்கமில்லாதவர்கள் என்று இவர்களை மக்கள் ஒதுக்கித்தள்ளும் காலம் வெகுதூரம் இல்லை.” – அமலசிங்

“உலமா கவுன்சிலைச் சேர்ந்த மவுலானா மகமூத் தரியாபாதி கூறுகையில், “டென்னிஸ் ஒரு விளையாட்டுதானே தவிர, `பேஷன் ஷோ’ அல்ல” என்றார். சானியா அணியும் உடை மற்றவர்களை சங்கடப்படுத்துவதாக இருந்தால் தனது உடம்பை மறைத்தபடி உடை அணிந்து விளையாடும் பொறுப்பு அவருக்கு உள்ளது என்றும் கூறினார்.” – சஞ்சய் ராமசாமி

“சுப்பு: சரி நம்ம கோயம்புத்தூர் பொண்ணு நிருபமா வைத்தியநாதன் கூட நல்லாதான் விளையாண்டுது, அவளும் ஆஸ்திரேலிய ஒப்பன் டென்னிஸ்ல 2-வது சுற்று வர வந்தா, அவள ஏன் இவ்வளவு தூக்கி வைக்கல? சானியா ஆஸ்திரேலிய ஒப்பன் டென்னிஸ்ல 3-வது சுற்று வந்த ஒடனேயே தூக்கிடாங்கலப்பா?” – அல்வாசிட்டி.சம்மி

“மும்தாஜ், சதா, ஜீனத் அமன், நக்மா, போன்ற கவர்ச்சி நடிகைகளின் உடை(இல்லா) க்கு வராத எதிர்ப்பா சானியா மிர்ஸாவுக்கு..??” – மூக்கு சுந்தர்

“விளையாட்டுக்குள்ளும் மதம் மூக்கை நுழைப்பது துரதிருஷ்டவசமானது.தான் விளையாடும் விளையாட்டுக்குப் பொருத்தமான உடையணியும் உரிமை சானியாவுக்கு உள்ளது. இதைக் கண்டிப்பது அநாகரீகம். & சானியாவை முஸ்லீம் பெண்ணாக நான் பார்க்கவில்லை. ஒரு இந்தியப் பெண்ணாக, எங்கள் குடும்பப் பெண்ணாகத்தான் நான் பார்க்கிறேன். தான் பிறந்த நாட்டிற்குப் பெருமை சேர்க்கும் என்னுடைய சகோதரியாகத்தான் பார்க்கிறேன். ” – கோ.ராகவன்

“இந்தப் பெண்ணின் ஆளுமை / தன்னம்பிக்கை முகத்தில் ஒரு தேஜஸ் – இதெல்லாம் இவர் நிச்சயம் சரித்திரம் படைக்கப் போகிறார் என்று சொல்கிறது. விம்பிள்டன் ரொம்ப தூரம் இல்லை” – அருணா ஸ்ரீன்ரிவாசன்

“ஜான் மெக்கன்ரோ சொன்னது போல யாருமே கண்டுக்கொள்ளாத இரட்டையர் ஆட்டத்தை விட்டு சானியா மிர்சா வுக்கு உதவி செய்வதில்தான் மகேஷின் புத்திசாலித்தனம் இருக்கிறது போலும்.” – ஆனந்த் விநாயகம்

“அவங்க கேள்வி என்னன்னா, பசங்க மட்டும் முழங்கால் நீளத்துக்கு கால்சட்டையும், தொள தொளன்னு கைவச்ச சட்டையும் போட்டு விளையாடும்போது, இந்தப் பொம்பள பசங்க மட்டும் ஏன் அதுக்கு எதிர்மறையா போட்டு விளையாடுறாங்கன்னுதான். பசங்க மாதிரியே போட்டுக்கிட்டா என்னன்னு இந்த தடவை சீர்யசா கேட்டாங்க. ‘தெரியலை, வேண்ணா ‘எங்க மக்கள்’கிட்ட கேட்டு சொல்றேன்’ அப்டின்னு சொன்னேன். சானியா மிர்ஸாவுக்கு எதிரா வந்த குற்றச்சாட்டு மாதிரி இல்ல இது. ” – தருமி

ஒரு பெண் டென்னிஸ் விளையாடுவது ஏன் இப்படி விவாதிக்கப் படுகிறது? அவர் போட்டியில் அணிந்திருக்கும் உடை ஆபாசமாக இருக்கிறது என்று சொன்னால், விளையாட்டில் மதம் மூக்கை நுளைக்கக் கூடாது என்ற கூக்குரல். சம உரிமை, பெண்னுரிமை என்று சொல்லும் இஸ்லாம் பெண்கள் விளையாடுவதை தடுக்கிறதா?

இல்லை. பார்க்க:

http://www.islamonline.net/English/News/2004-05/22/article05.shtml
http://www.dailytimes.com.pk/default.asp?page=story_17-2-2005_pg2_8
http://news.bbc.co.uk/2/hi/middle_east/3570040.stm

During the Olympics, several female athletes wore headscarfs
‘No. This is not a hurdle. In fact by covering our bodies we feel more secure
Women athletes have already proven their capabilities in different fields.

ஆணும்-பெண்ணும் சமம் என்று கருதும் இஸ்லாம் ஆணுக்கும் பெண்ணுக்கும் உள்ள உடலியல் ஈர்ப்பை கருத்தில் கொண்டு சில வரைமுறைகளை வகுக்கிறது. அப்படி ஒன்னும் யாரும் சொல்லாததை அந்த மத அறிஞர் சொல்லவில்லை. கவர்ச்சியான உடையை தவிர்க்க வேண்டும் என்றே சொன்னார். இதிலுள்ள மிகப்பெரிய தவறு சொன்னவர் ” இஸ்லாமிய அறிஞர்” அவ்வளவுதான்.

டென்னிஸ் சீருடைவிதி (Dress Code):

சரி, டென்னிஸ் விளையாட்டு கவர்ச்சியைக் காட்டுவதற்கா?அல்லது திறமையைக் காட்டுவதற்கா? என்றால், ஏன் கவர்ச்சியைப் பார்க்கிறீர்கள், விளையாட்டை பாருங்கள் என மேதாவித்தனமான தத்துவங்கள். கவர்ச்சி பார்ப்பவரின் கண்களில்தான் இருக்கிறது என்ற சினிமா நடிககைகள் சொல்லும் சப்பைக் கட்டு வேறு.

டென்னிஸ் விளையாடுபவர்கள் ஸ்கர்ட் (Skirt) தான் அணிய வேண்டும் என்ற விதி எதுவும் இல்லை. டென்னிஸ் வீரரின் உடை விதிமுறைகளைப் பற்றி சொல்லும்போது,

“It’s not that they have to wear skirts in tournaments. The Wimbledon Web site’s FAQ section answers the question “What is the dress code for The Championships?” with this redundant answer: “Players’ dress is predominantly white (‘almost entirely white’).” No mention of skirts. Similarly, the Women’s Tennis Association, which organizes the premier women’s international tour, forbids sweat shirts, sweat pants, T-shirts, jeans, and cut-offs during matches, but doesn’t mention skirts.”

அதாவது வெள்ளை உடை அணிய வேண்டும். அதிகம் வியர்வை வரவழைக்கும் உடைகளை தவிர்க்க வேண்டும் என்றே சொல்கிறது.

சில வருடங்களுக்கு முன் நடந்த அமெரிக்க ஓப்பன் டென்னிஸில் பாரம்பரிய வெள்ளை சீருடையை தவிர்த்து முதுகைக் காட்டும் மஞ்சல் நிற (Backless Yellow Pandex Dress ) உடையை வீனஸ் வில்லியம்ஸ் அணிந்து விளையாட எதிர்ப்பு எழுந்தபோது, 1933 ஆம் வருடம் ஹெலன் ஜாகோப்ஸ் சார்ட்ஸ் (Shorts) அணிந்து விளையாடியதையும் இன்னும் பலர் வெவ்வேறு உடைகளில் (முழுக் கால்சட்டை மற்றும் ஜட்டி தெரியும் சார்ட்ஸ் (Panty Flash Skirt) அணிந்ததை சுட்டிக்காட்டி, தனக்கு தோதான உடை அணிந்து விளையாடும் உரிமையுள்ளது என்றார்.

இ