கார்ட்டூன் விவகாரம்: இழிவுபடுத்தும் உரிமை?

இறைத்தூதர் முஹம்மது நபி (ஸல்) அவர்களை கேவலமாகச் சித்தரித்து டென்மார்க் பத்திரிக்கை (Jyllands-Posten) கார்ட்டூன் வெளியிட்டதையும் அதனை நார்வே கிறிஸ்தவப் பத்திரிக்கை மறுபதிப்புச் செய்து மேலும் அவமதித்ததையும் எதிர்த்து உலக முஸ்லிம்கள் கொதித்தெழுந்துள்ளார்கள். இதன் பிரதிபலிப்பாக பெரும்பாலான முஸ்லிம் பெரும்பான்மை நாடுகள் டென்மார்க் மற்றும் நார்வேயின் பொருட்களை புறக்கணிப்பு செய்வது என்று முடிவு செய்துள்ளன.

இஸ்லாம் உருவ வழிபாட்டையும் அதற்குக் காரணமாக இருக்கும் அநாவசிய சித்திரங்கள் தீட்டுவதையும் தடுக்கிறது. இறைவனைத்தவிர மற்றவற்றை வணங்குவதையும், மனிதர்களை கடவுளாக்குவதையும் இஸ்லாம் தடுக்கிறது. ஆகவே வழிபாட்டிற்கோ அல்லது தூதர்கள் மற்றும் அன்னாரின் நேசர்களுக்கோ உருவம் கொடுப்பதையும், அது மரியாதை நிமிர்த்தமாகவே இருந்தாலும், பிற்காலத்தில் இஸ்லாத்தின் அடிப்படைக் கொள்கையான கடவுளுக்கு உருவம் இல்லை என்ற நம்பிக்கையை சிதைத்துவிடும் என்பதால் சிலை வடிப்பதையும், சித்திரங்கள் தீட்டுவதையும் இஸ்லாம் ஏற்கவில்லை.

முஹம்மது நபியின் சிறப்பைச் சொல்லும் விதமாக இருபது வருடங்களுக்கு முன் “தி மேசேஜ்” (The Message) என்ற ஆங்கிலப்படமும், சமீபத்தில் “முஹம்மது – இறுதித் தூதர்” (Mohammed: The Last Prophet) என்ற அனிமேசன் படமும் வெளிவந்தன. இவற்றில் முஹம்மது நபியின் உருவம் சித்தரிக்கப்படாது என்ற உறுதி மொழியுடன்தான் வெளியாகின.

டென்மார்க் பத்திரிக்கை முதலில் கார்ட்டூனை வெளியிட்டதை முஸ்லிம்கள் பெரிதாக எடுத்துக் கொள்ளவில்லை.இஸ்லாத்தைப் பற்றி அறியாதவர்களின் செயல் என்று கண்டு கொள்ளவில்லை. பிறகு இப்படங்களை நார்வே கிறிஸ்டியன் பத்திரிக்கை மறுபதிப்புச் செய்தும், வாசகர்களிடமிருந்து மேற்கொண்டு வரும் சிறந்த கார்ட்டூனுக்கு பரிசு என்றும் அறிவித்தது தான் முஸ்லிம்களை கொதிந்தெழச் செய்தது.

ஐரோப்பியன் யூனியனிலுள்ள முஸ்லிம் நாடுகளின் தூதுவர்கள் நார்வே பிரதமரிடம் தங்கள் எதிர்ப்பைத் தெரிவிக்க விரும்பியபோது, அவர்களைச் சந்திக்க மறுத்து விட்டதோடு “பேச்சுரிமை எந்த சமரசத்திற்கும் அப்பாற்பட்டது” என்று திமிராகச் சொல்லியுள்ளார்.

1948 இல் வெளியிடப்பட்ட ஐநாவின் மனித உரிமைப் பிரகடனம் பேச்சுரிமை (Freedom of Expression) பற்றி தெளிவாகச் சொல்கிறது.

அடுத்தவரின் உரிமையை பாதிக்காதவரைதான் அது தனிமனித உரிமை. மனித உரிமை என்ற பெயரில் துவேசம் கொல்வதை எந்த சட்டமும் அங்கீகரிக்கவில்லை. பெரும்பாலோர் உயிரைவிட அதிகமாக நேசிக்கும் ஒருவரை மனித உரிமை என்ற பெயரில் அவமதிக்க எவருக்கும் உரிமை இல்லை.

டென்மார்க் மற்றும் நார்வே நாடுகள் ஒன்றும் இஸ்லாமிய எதிர்ப்பில் திளைத்தவையல்ல. அரபு நாடுகளின் பெரும்பாலான உணவுப் பொருட்கள் டென்மார்க்கிலிருந்துதான் இறக்குமதி செய்யப் படுகின்றன. உலக நன்கொடையாளர்கள் பட்டியலில் நார்வே தனது உள்நாட்டு வருமானத்தில் சுமார் 0.94% ஐ நன்கொடையாகக் கொடுக்கின்றது. ஒப்பீட்டளவில் அமெரிக்காவின் 0.14% ஐ விட சுமார் ஐந்துமடங்கு அதிகம். சுமார் 55 மில்லியன் அமெரிக்க டாலர்களை பாலஸ்தீனர்களின் அமைதிக்காக செலவளித்துள்ளது.

டென்மார்க் சமீபத்தில் நடந்த பாலஸ்தீன நாடாளுமன்ற தேர்தலுக்கு சுமார் ஒரு மில்லியன் அமெரிக்க டாலரும், இஸ்ரேலிய இராணுவத்தினரின் மனித உரிமை மீறல்களிலிருந்து பாலஸ்தீனர்களைக் காக்க $ 646,000 உதவியுள்ளது. மேலும் $390,000 ஐ ஹ